نئی دہلی،13 مارچ(ایس او نیوز؍آئی این ایس انڈیا) بی جے پی کے الزامات پر کانگریس نے جوابی حملہ کیا ہے۔کانگریس کے ترجمان رندیپ سرجیوالا نے کہا کہ نہ نوکری، نہ روزگار، نوجوانوں کے مستقبل میں پھیلی تاریکی، معیشت کا بٹادھار، تھیلے اٹھا کرہو جائیں جانے کو تیار، اس بار عوام بدلے گی یہ نکمی سرکار۔انہوں نے کہا مودينامکس اب پکوڑانامکس ہو گیا ہے۔رندیپ سرجیوالا نے کہا کہ اقتصادی ترقی 5 سال کی کم سطح پر ہے،فارم انکم نمو 14 سال کی کم سطح پر ہے،تازہ سرمایہ کاری 14 سال کی کم سطح پر ہے،نجی سرمایہ کاری 7 سال کی کم سطح پر ہے،صنعتی ترقی 1.7 فیصد (ایک سال پہلے 7.5 فیصد سے کم) پر ہے،گھریلو بچت 20 سال سے کم ہے۔ایف ڈی آئی نمو 5 سال کی کم سطح پر ہے،کور سیکٹر نمو 2 سال کے کم سطح پر ہے،برآمد میں اضافہ (یو پی اے کے مقابلے میں) میں 15 گنا کمی آئی ہے۔انہوں نے کہا کہ سی ایم آئی ای کے سروے کے مطابق، بے روزگاری کی شرح 7.2فیصد کو چھو رہی ہے۔این ایس ایس او کی رپورٹ کے مطابق، بے روزگاری کی شرح 6.1 فیصد ہے،نوجوانوں کے لئے بے روزگاری کی شرح 13۔27 فیصد کی خطرناک سطح پر ہے،یہ گزشتہ 45 سال میں سب سے زیادہ ہے،نوٹ بندي کی وجہ سے چھوٹی اور درمیانہ صنعت چوپٹ ہو گئی اور روزگار ختم ہو گیا،دیہی مردوں کے درمیان بے روزگاری (15 سال سے 29 سال کی عمر کے درمیان) 2011۔12 میں 5 فیصد سے بڑھ کر 2017۔18 میں 17 فیصد ہو گئی ہے،دیہی خواتین کے درمیان (15 سال سے 29 سال کی عمر تک) بے روزگاری 2011۔12 میں 4.8 فیصد سے بڑھ کر 2017۔18 میں 13.6فیصد ہو گئی ہے۔رندیپ سرجیوالا نے کہا کہ مودی حکومت کی نیتی آیوگ نے فروری 2018 میں تسلیم کیا ہے کہ ہندوستان’غیر اطمینان بخش ملازمتوں اور بے روزگاری‘ سے دوچار ہے۔آل انڈیا ڈویلپر تنظیم نے بھی دسمبر 2018 میں کہا کہ 2016 کے بعد سے تنہا سیکٹر میں 35 لاکھ ملازمتوں کا نقصان ہوا، جس کے دو اہم وجوہات نوٹ بندي اور جی ایس ٹی ہے۔